နင်သာအနားနားရှိရင် အားလုံးပြည့်စုံပြီ...

"ငွေ့ရည်ဖွဲ့တဲ့ည"

ငါမျက်လုံးတွေကိုမှိတ်လိုက်တယ်

အမြင်အာရုံအမှောင်ကျသွားတဲ့နောက်မှာ

ဘ၀တစ်ခု…

လောကနဲ့အဆက်အသွယ်ပြတ်နေတဲ့ဘ၀တစ်ခု

အဲ့သီးခြားဘ၀လေးထဲမှာ

ငါ့ချစ်ခြင်းတွေကို အသွင်ဖော်ဖို့

နှလုံးသွေးတွေကို မင်ရည်အဖြစ်နဲ့စီးဆင်းလိုက်တယ်….

ရင်ဘတ်ကြီးနဲ့တနင့်တပိုးထမ်းထားရတဲ့အတွေးတွေက…

ဆိုင်သူမသိတဲ့ကဗျာတွေအဖြစ်နဲ့

အလွမ်းအိမ်လေးတစ်အိမ်ကိုဆောက်တယ်….

ချစ်တယ်…ချစ်ခြင်းဆိုတာကိုဘာမှန်းမသိပဲ ငါချစ်တယ်…

လွမ်းတယ်…မပီပြင်တော့တဲ့ သံယောဇဉ်တစ်ချို့နဲ့

ငါလွမ်းတယ်….

ငါ့အလွမ်းတိုင်းပြည်မှာ ..

ခောတ်ဆိုတာမရှိဘူး….

လူတန်းစားဆိုတာမရှိဘူး…

ဘာသာရေးခွဲခြားမှုဆိုတာမရှိဘူး…

ပင့်ကူမျှင်လို့ရှုပ်ရှပ်ခပ်နေတဲ့

ဆက်သွယ်မှုကွန်ယက်တွေမရှိဘူး

မ၀ံ့မရဲခုန်နေတဲ့ စည်းချက်မမှန် ရင်ခုန်သံလေးက

သူနဲ့ငါ့ကြား ဆက်သွယ်ပေးတယ်….

ငါကိုယ်တိုင်ပိုင်တဲ့ ငါ့အချစ်တိုင်းပြည်မှာ ..

မိုင်တိုင်တွေကြားက ကွာဟမှုတွေမရှိဘူး

ချစ်တယ်ဆိုတဲ့ စကားနှစ်လုံးကြားမှာ

သူသာကြားစေနိုင်တဲ့ ငါ့ရင်ခုန်သံတိုးတိုးလေးတွေရှိတယ်…….

ဆိုင်သူလက်မခံတဲ့

အဲ့ဒီချစ်ခြင်းတွေတစ်ပွေ့တစ်ပိုက်နဲ့

ငါ…မျှော်လင့်ခြင်းလမ်းဆုံးကို မျှော်ကြည့်မိတယ်…

တွေ့လိုက်၇တယ်….လက်လှမ်းကြိုနေတဲ့ အပြုံးတစ်ခု

သာယာနှစ်လိုဖွယ်ကောင်းတဲ့အပြုံး

အနှစ်အလလ ရူးခဲ့ဖူးတဲ့ အဲ့ဒီအပြုံးတစ်ခု..

ငါတစ်သက်လုံး ပိုင်ဆိုင်ခွင့်ရချင်တဲ့အဲ့အပြုံး …..

အဲ့အပြုံးပိုင်ရှင်က..

ငါ့နဖူးမှာ အနမ်းတံဆိပ်လေးနှိပ်ပေးတယ်

ငါဆုတောင်းကြည့်ချင်တယ်….

ဒါ...အိပ်မက်... မဟုတ်ပါစေနဲ့လို့……..

"ကောင်းကင်ဝှက်ထားတဲ့...အိပ်မက်"

ရှည်လျားတဲ့မိုင်တွေကြားထဲ

ငါ့ဆန္ဒတွေမှေးစက်တယ်...

တဖြည်းဖြည်းကုန်သွားမဲ့

ပြက္ခဒိန်စာရွှက်တွေကြားက

နေ့စွဲတစ်ခုမှာ ........

ငါ့မျှော်လင့်ချက်တွေ မရိုးမရွဖြစ်နေတယ်.....

ရေးတယ်.... ငါရေးတယ်......

ဗလာလို့ခေါ်တဲ့ စာရွက်ဖြူတွေပေါ်မှာ

ငါ့ရဲ့မဟာ ခံစားချက်တွေကိုငါရေးနေတယ်

ဆန္ဒတွေက မွစာကျဲလို့......

အဲ့ရက်စွဲတွေကို ငါမုန်းတီးစွာကြည့်မိတယ်.....

နေ့ရက်တိုင်းကပြဿဒါး

ကိုယ်ချင်းစာစိတ်မရှိတဲ့ အဲ့ဒီအရေအတွက်မဲ့ပြက္ခဒိန်တွေကို

စိတ်ကူးထဲမှာပဲ ငါဆုတ်ဖြဲနေမိတယ်......

ဖြစ်နိုင်ရင်လေ...

အချိန်ကိုယန္တရားတပ်

ရာစုနှစ်တွေကိုဘောင်ခတ်လို့

ငါ့မျှော်လင့်ချက်ကိုစီးနင်း

အဲ့ကာလလေးထဲကို ခြင်းနင်းဝင်ရောက်ချင်ပြီ

ဒါပေမယ့် ငါသိတယ်.... အဲ့တစ်ချိန်ကို ငါစောင့်ရမယ်

အဲ့ဒီနေ့.... ငါ့အိပ်မက်တွေထဲက အဲ့ဒီနေ့

အဲ့နေ့မှာ ငါ့ကောင်းကင်က ကြယ်တွေမြေခမယ်

ငါ့အလွမ်းတွေမြေကျမယ်

ငါ့ဆန္ဒနဲ့ ငါ့ကိုယ်ငါတန်ဆာဆင်လို့

ငါ့အပြုံးတွေက ငါ့နှလုံးသားကို ချယ်မှုန်းပေးထားလိမ့်မယ်

အဲ့ဒီနေ့........ ငါမျှော်တဲ့အဲ့နေ့မှာ

ငါ့ကောင်းကင်ကလမင်းကို

ငါဖူးတွေ့ခွင့်ရမယ်.......

ပကာသနမပါတဲ့ မာနပါးပါးလေးနဲ့

ငါ့လမင်းကိုနမ်းဖို့...

ဟိုးးးးးးးးးးးးးးးး အဝေးကြီးကနေ ....

ငါ....အရောက်လှမ်းခဲ့ ..ဦး..မယ်.....

*I Do Love You*

ချစ်တယ် …
နင့်အပြုံးတွေကို ငါချစ်တယ်

နင့်အမုန်းတွေကိုငါချစ်တယ်…

နင့်စကားတွေကို ငါချစ်တယ်..

နင့်အကြည့်တွေကိုငါချစ်တယ်

နင့်အဆုံးအမတွေကိုငါချစ်တယ်

နင့်စာရိတ္တကိုငါချစ်တယ်

နင့်ရိုးသားမှုတွေကို ငါချစ်တယ်

နင်ပိုင်ဆိုင်တဲ့အရာအားလုံးငါချစ်တယ်..

နင့်ကိုမပိုင်ရလဲ ငါချစ်တယ်

ငါ့ကိုခွဲသွားမှာသိလဲ ငါချစ်တယ်

ငါ့မျက်လုံးမှိတ်လိုက်တိုင်း

အလိုလိုပုံပေါ်လာတတ်တဲ့

နင့်ကို …. ငါ……အရမ်းချစ်တယ်….

"အဖိုးမတန်တဲ့ အချစ်ကာရံ"

နင့်ရဲ့
ထားစရာမရှိတဲ့အချစ်တွေကိုမှန်စီရွှေချ
ပြတိုက်ထဲတောင် ခင်းကျင်းပြလိုက်ချင်ရဲ့......

လူတကာအားကျတဲ့
အချစ်လှလှထဲ
ခံစားချက်ချိုမြမြတွေနဲ့ပုံချ
နင့်လှည့်စားချက်ကလှလွန်းတယ်….....

ကာရံမလှတဲ့
အကာအကွယ်မဲ့စကားလုံးတွေ
ဘာလို့သုံးနှုန်းနေတာလဲ
ရင်ခွင်နဲ့ကြားနာနေရတဲ့ငါ
ရင်နာလွန်းလို့ပါဟာ......

ထုံပေပေခံစားချက်တွေနဲ့ငါ
တဖြည်းဖြည်းနဲ့နေတတ်လာပြီ…
မရင်းနှီးတဲ့စကားလုံးတွေကိုလဲ
အပြုံးတွေသုံးပြီး
အသုံးချတတ်နေပြီ…....

နင်ပေးတဲ့သင်ခန်းစာတွေများလွန်းလို့
ငါ့ဘ၀လက်ချာစာမျက်နှာတွေထဲမှာ
ခပ်သော့သော့လက်ရေးရာတွေနဲ့ပြည့်နေတယ်.....

ပီပီပြင်ပြင်မသိတော့တဲ့
ခံစားချက်နှုန်းထားတွေကို
ငါ့နှလုံးသားကလဲ
အမီသိမ်းမထားနိုင်တော့ဘူး......

Share စရာများနေတဲ့ နင့်အကြင်နာတွေ
ဖြန့်ကျဲပြီးသာ လှူလိုက်တော့
ငါ့အတွက်တော့
နင်ဆိုတာ ..တစ်ချိန်တုန်းက
သတ်ပုံမှားခဲ့ဖူးတဲ့
ကဗျာစာရွက်ဟောင်းတစ်ရွက်.....

"ကန့်သက်ချက်တို့၏နောက်ကွယ်"

လောကကိုဂရုမစိုက်ပဲ
မိုးရေထဲမှာ ဦးထုပ်တစ်လုံးနဲ့လမ်းလျှောက်လို့လျှောက်
စိတ်ပေါက်ရင်ပေါက်သလို လက်ဖက်ရည်ဆိုင်ထိုင်
မိုက်မိုက်ကန်းကန်းစတိုင်နဲ့
ဆန္ဒတွေကို သွန်လိုသွန်
မှောက်လိုမှောက်နေတတ်တဲ့ငါက
နင့်အတွက်တော့….
ဂျစ်ကန်ကန်ကောင်မလေးတစ်ယောက်…

နင်မြတ်နိုးတဲ့ဆံပင်ရှည်ဆိုတာ
ငါ့အတွက်တော့
ကဗျာစာရွက်တစ်ရွက်လောက်တောင်
သိမ်းထားချင်စိတ်မရှိခဲ့ဖူးတဲ့အရာ…

နုနုရွရွတွေမခံစားတတ်တဲ့ငါက
နင်ပြောသလိုဆိုရင်တော့…
ဂျစ်တူးမပေါ့……

အရာရာကိုအလေးနက်ထားတဲ့နင်နဲ့
ဘ၀ကိုအပေါင်းအနှုတ် အမြှောက်အစားတွေမပါပဲ
အချိုးချထားချင်တဲ့ငါ…
ဘယ်လိုတွေများရှေ့ဆက်သွားကြမှာလဲ….

အရာရာကို ဆင်ခြင်တတ်တဲ့နင်ကလေ
ငါ့အတွက်တော့
တခြားကမ္ဘာက ကျလာတဲ့လူသားလိုပဲ
ထူးဆန်းနေခဲ့တာအမှန်…

စနစ်တကျ ချပြတတ်တဲ့
နင့်ရည်မှန်းချက်တွေနဲ့..
ပစ်ချသလိုနေနေတတ်တဲ့
ငါ့ဘ၀ ယဉ်ကျေးမှုတွေက..
အခြားနားကြီးခြားနားလို့ …
မဟာဆန်တာမှ ကြိုက်တတ်တဲ့
နင့်ဆန္ဒတွေက….မိန်းမမဆန်လှတဲ့ ငါ့အတွက်တော့
ဝေးဝေးက ပြသာဒ်တစ်ခုလိုပါပဲ......

တကယ်တော …
သွန်သင်ဆုံးမဖူးတဲ့ ..နင့်စကားတွေကြားမှာ
ငါ့ရင်ခုန်သံတွေ အခါခါမှားခဲ့ဖူးတယ်…
ရယ်သံချိုမြမြ..တွေကြားမှာ..
လောဘတွေနဲ့ ငါ့စိတ်တွေဖောက်ပြားဖူးတယ်…
ကရုဏာဒေါသသံတွေကြားမှာ
ငါ့ခြေလှမ်းတွေ မှားခဲ့ဖူးတယ်…
နင်ကြိုက်တဲ့မျက်ဝန်းလှလှတွေမရှိလို့
မနာလိုစိတ်တွေနဲ့လဲ
ကြိတ်မှိတ်နေခဲ့ဖူးတယ်….

တကယ်လို့ အချစ်ဆိုတာ
အခါမလပ်ချည်နှောင်နေတတ်တဲ့ကြိုးဆိုရင်…
ထပ်ထပ်မရစ်ပတ်ခင်… ဖြတ်ပစ်လိုက်ချင်တယ်…
ချစ်တဲ့နင် စိတ်ချမ်းသာဖို့အတွက်…………

လွင့်မျောခဲ့သော ရင်ခုန်သံ

ငါ့မှာမျှော်လင့်ချက်ဆိုတာရှိခဲ့ရင်

ငါ့စိတ်တွေကို

တစ်ပြည်တစ်ရွာမှာထားလို့

အဝေးကပဲ

ယဲ့ယဲ့သာရှိတဲ့ မျှော်လင့်ချက်နဲ့

နင့်မျက်နှာကို တစ်ဝ ထိုင်ကြည့်နေချင်တယ်......

ပြစ်ဒဏ်တစ်ချက်ကြောင့်

ခံစားလာရမဲ့ ဒဏ်ရာတွေက

ရေတစ်ပွက်စာလောက်နဲ့

ပျောက်သွားမယ်ဆိုရင်

အပြတ်ပြတ်နဲ့

နှာခေါင်းသွေးထွက်မဲ့ ကိစ္စတွေကို

ငါရှောင်ခဲ့မှာပေါ့

အခုတော့........

ဆက်ဆံရေးတွေကနေ၀င်

်ငါတို့အပြုံးတွေပျက်သုဉ်း

အပျော်တွေက သင်္ဂြိုဟ်ခံရလို့

ငါတို့ဆန္ဒတွေနဲ့ အတူပြာကျသွားပြီ....

တကယ်လို့........

ဘ၀တစ်ခုမှာ လိုရာဆုကိုတောင်းပါဆိုရင်

ငါလေ

ကလေးဆိုးတစ်ယောက်လို အော်ဟစ်ငိုလို့

အရင်လိုအချိန်တွေကို

ပြန်လိုချင်လိုက်တာလို့

ပူဆာမိမယ်ထင်တယ်

"ပိုင်ဆိုင်မှုဟုမမြည်ခဲ့သော ...ပိုင်ဆိုင်မှုများ"

ပိုင်ဆိုင်မှုဆိုတာဘာလဲ?????

အသိဥာဏ်တွေတစ်စတစ်စနဲ့

ကျယ်ပြန့်လာလေလေ..

ငါ့မှာပိုင်ဆိုင်မှုမဲ့လူသားဆိုတဲ့

စိတ္တဇအတွေးတွေနဲ့

အိပ်မရညတွေကိုငါဖြတ်...

တစ်ရှိုက်မက်မက်ချစ်ခြင်းတွေနဲ့....

ငါ့မျက်ရည်တွေစီးဆင်းဖူးတယ်...

တကယ်တော့.....

ငါ့ရဲ့စိတ်က ငါ့ရဲ့ပိုင်ဆိုင်ရာ

ငါ့အတွေးတွေက ငါ့ရဲ့ပိုင်ဆိုင်ရာ

မျှော်လင့်တဲ့သူဆီကနေ

မမျှော်လင့်ပဲရခဲ့တဲ့

ဂရုစိုက်မှုတွေက ငါ့ရဲ့ပိုင်ဆိုင်ရာ ...

ငါ့အတွေးတွေနဲ့ ငါတည်ဆောက်ထားတဲ့

အလွမ်းကမ္ဘာလေးက ငါ့ရဲ့ပိုင်ဆိုင်ရာ

ပိုင်ရှင်မသိတဲ့

တိတ်တဆိတ်ချစ်ခြင်းတွေက

ငါ့ရဲ့ပိုင်ဆိုင်ရာ....

ဘယ်သူမှနားမလည်တဲ့..

ငါ့ခံစားချက်တွေက

ငါ့ရဲ့ပိုင်ဆိုင်ရာ....

တကယ်တော့ငါ့မှာလေ

နင်ကလွဲရင် ....

ပိုင်ဆိုင်ရတာတွေများလွန်းလို့ကို

အတွေးတွေနဲ့ခြောက်ခြား

အိပ်မရတဲ့ညတွေ တိုးပွားလာခဲ့တာ.......

နင်...တစ်ယောက်....သိ..ပါ...စေ....

"မပိုင်ဆိုင်ခဲ့ဖူးသော....ထိုအရာ"

အဲဒီအရာပေါ့.

ငါ့မာနတွေကိုအရည်ပျော်ကျစေခဲ့တာ

အဲဒီအရာပဲ..

ငါ့စိတ်ဓာတ်တွေကို အမှောင်ချ

ငါပိုင်ဆိုင်သမျှ အရာအားလုံးကို

စိတ်တိုင်းကျချယ်လှယ်နိုင်ခဲ့တာ...

အဲ့ဒီအရာက .

ငါ့အတိတ်တွေကိုတူးဆွတယ်

ငါ့ပစ္စုပ္ပန်တွေကိုအုတ်မြစ်ချတယ်

ငါ့အနာဂတ်တွေကိုပုံဖော်တယ်...

ငါ့မျက်ရည်တွေကို ရွာချလို့

ငါ့အိပ်မက်တွေကိုနိုးထစေတယ်....

အဲ့ဒီအရာက...

ငါ့ဘ၀ထဲကို တစ်စတစ်စနဲ့တိုးဝင်လာတယ်

ကောင်းခြင်းတွေရော မကောင်းခြင်းတွေရော

ရောပြွန်းနေတဲ့ ရသမျိုးစုံနဲ့

ငါ့ဘ၀ကိုလှည့်စားတယ်...

အဲ့ဒီအရာပေါ်မှာပဲ တရှိုက်မက်မက် ငါအိပ်စက်လို့

မဆုံးနိုင်တဲ့အိပ်မက်ရှည်တွေ မက်ခဲ့ဖူးတယ်....

အဲ့ဒီအရာက ..

ငါမယူခဲ့ပဲ ငါ့ဆီဝင်လာခဲ့တဲ့အရာ

ငါတားနေတော့မှ ငါ့ဆီက ထွက်သွားဖို့

ကြိုးစားနေတဲ့အရာ.....

တစ်စုံတစ်ရာရယ်........

ကျေးဇူးပြုပြီး ....

ငါ့ရင်ခုန်နှုန်းတွေရပ်စေလို့

ငါ့ဝိညာဉ်ကို တိတ်တဆိတ်ယူဆောင်သွားပါ

ငါ့အာရုံတွေကို အမှောင်ချလို့

ရှုံးနိမ့်ခြင်းရဲ့ရလဒ်တွေနဲ့ပဲ...

ငါ့မျှော်လင့်ချက်တွေကို အိပ်စက်ခွင့်ပေးပါ...